%~^~ عآ يش حياتي بين آهات وعذاب الحب ~^~%

عايش حياتي بين آهات و عــــــذاب
و الصبر بعدو مرافق بقلبي الأنين

مهما عشت راجع يا عمري عالتراب
بالقبر لحني بنشدو شويــة عـنين

و العمر صحرا لا رفيقه و لا صحـــاب
و ما في حدا بيساعدو بهمسة حنين

عطشان لاحق بالـدني لمعـــة سراب
و قلبي أنا بـــاقي على حبو أمين

مجنون قالو!! كيف ما بحب الجنون ؟
و الليل سارق بسمتي من مدمعي

كيف قالو قلـــــــــــــــــبها عليي حـنون
و قلبــــها سـّبب هواجس موجعي

من لـــــــــون شعرا كحل الليل الجفون
و خـــدها الشـفاف حبي و مطمعي

قــــــــلتها مني خــــــــــذي نور العيون
و لو صرت أعمى بس لعندي رجعي

مين قال انو الحب همسات و دلـــــــــع
و نغمة حبيبه و القلب عـــــوادها

و رفـــــــة جفن مشتاق بهيامو ولــــــع
و نطره على الشباك في ميعــادها

و دمعـــــة فراق مغمسه فيها انجمــــع
حبر الموده و الدمـــــــوع مدادها

الحب شفتو سراب و همــوم و وجـــــع
و أيام ما عرفـــــو الليالي عيادها

ما بين شـــقر و سـمر ما وقــــع بغرام
قلبو رقيق بتجرحو غمزة مــــلاك

بتشفق عا حالو لو قلت عـــنـــو حـــرام
حب لكن خاف يوقـــــــــع بالهلاك

مقضي حيـــــاتو بالعـــــــــتوبه و الملام
و لقلبها بيقول ما بهـوى ســواك

و لغيرها ما في لواعــــــج أو هــــــــيام
و بنذر سنيني و العمر كلــو فـداك

و منا لحلوه و قلبها محبه و ســـــــلام
و يا قلبها تنازل شويي من علاك

مني احــــــترام و انسجام و اهتـــــــمام
و كيف بقضي العمر يا قلبي بلاك؟

يا ويل حظـــــو ما حصد غير النـــــــــدم
العمر ماشي وصبحتو زادت وجـــوم

و آمــــــال عـــــــمرو كلها صارت عــدم
ختير جناحــو بالمصاعب والهموم

إبليس قالــــــو من غضب ربـــــو انرجم
و مكروه فعلو صار عا وجه العموم

البيحب لازم عـــــــــــا فعالــــــــو ينرحم
تا يضل حد البدر في درزة نجـــوم

طبيب القلوب الصديق الشاعرعهد سليم

وينك يا عهد سليم في شرع الهوى
تعطي الدوا لقلوبنا نتعـة قصيد

المغروم غير الشعر ما عندو دوا
تا يخلصو من كل أوجاع النهيد

و مين غيرك بالشعر رافـــــع لوا
و للحب بالآهات ناظملو نشــــيد

ترأف بحال الحب في بحر النوى
و مهما يقولو الحب ميِّت و اندفن
بو الحب في شعرك بيخلق من جديد

تحياتي

الجذاب love